Kalakariak

Kalaka Ilazki Gainzak eta Nerea Uriak sortu genuen. Argi genuen zerbait desberdina sortu nahi genuela, eta jendartean somatu genituen behar batzuei irtenbidea emateko helburuarekin sortu genuen gure kooperatiba.

Ibilbide zail bezain aberasgarrian murgilduta gaude ekitea erabaki genuenetik, pertsona eta enpresa desberdinekin elkarlanean eta ideia berriez egunerokoa zipriztintzen.

Diseinatzea, gure ezagutzak partekatu eta besteengandik ikastea, komunikatzea, ideia berriak proiektu erreal eta baliagarri bilakatzea gustuko dugu eta horretan gabiltza.

Antolaketa da gure eraginkotasunaren giltzetako bat. Lanean zorrotzak garen arren, barre algaraka ere askotan ikusiko gaituzue.