Debako Udaleko berdintasunerako I. Barne plana osatu dugu, honako urratsak emanez:
- Prozesuaren nondik norakoak azaldu: prozesuaren iraupena, faseak eta fase bakoitzean lortu nahi genituen helburuak.
- Berdintasun Batzordea osatu ondoren, martxan jarri ginen. Lehenik, diagnostikoa osatzeko datu eta dokumentazioa eskatu genien, eta guztia jasotzean, Diagnostikoaren txostena osatu genuen. Bertan, genero-arrakala nagusiak azaldu genituen, eta genero ikuspegidun irakurketa eginez, ekintza plana osatzeko lehen urratsak eman genituen.
- Berdintasun Batzordeak ekintza plana adostu ondoren, I. Berdintasun planaren txostena diseinatu eta maketatu genuen.
