Orioko Udaleko Kultura, Euskara eta Jaiak sailari urteko kultur programazioan genero ikuspegia txertatzeko aholkularitza eskaini diogu. Horretarako, honako urrats hauek eman ditugu:
- Bi formakuntza saio. Lehenik, genero ikuspegiaren alderdi teorikoa azaldu dugu, generoa kontuan hartzearen garrantzia eta egokitasunaz hausnartzeko. Ondoren, konkretuko Kultur programazioan aplikatzeko moduak aurkeztu ditugu, bai programazioa antolatzerako unean eta baita jarraipena egiteko erabiltzen diren adierazle-sorten inguruan ekarpenak eginez.
- Kultur programazioaren betetze adierazleen jarraipena egiteko excel tresna praktikoa. Teoriatik praktikara pasa gara, eta excel tresna pertsonalizatua sortu dugu, non, programazioko ekintza bakoitzaren banakako jarraipena eginik, urteko genero-arrakalak kalkulatzen diren.
- Generoaren araberako eraginaren ebaluazioa egiteko txostena. Datu bilketa generoaren arabera eginda, eta excel taulako genero-adierazleen emaitzak jakinda, generoaren araberako eraginaren ebaluazio txostena osatu dugu. Honen helburua da, urtero txostena osatu ahal izateko eredua izatea saileko arduradunek.
Garrantzitsua da jabetzea eskaintzen diren zerbitzuek herritarrei eragiten diela, eta eurak dauden egoeraren arabera modu ezberdinean pertzibi ditzaketela zerbitzu hauek. Horregatik, generoaren araberako pentsamendua landuz, emakume, gizon zein ez bitarrek dituzten aukera eta zailtasunak ezagutu ditzakegu gure zerbitzuez gozatzeko, eta kasu bakoitzean, doiketak egiteko argudioak izango ditugu zerbitzu parekide eta osoagoa eskaintzeko.
