Emariak denbora luzez pentsatu eta osatu dugun bilduma da. 12 emakumeren biografia laburrak ilustrazioekin batera topa ditzake irakurleak eta amaieran ariketa sorta bat ere badago, irakurketaz haratago doan baliabide pedagogikoa osatu nahi izan dugulako.
Zuetako askok jadanik Emariak bildumaren berri baduzue, komunikabide ugaritan agertu garelako eta gure sare sozialetan ere horren berri eman dugulako; beste batzuek beharbada ez duzue horren berririk izan eta horretarako idatzi dugu post hau.
Gure lanaren jarraitzaileetako batzuek erosi ere egin duzue, edota liburutegian mailegatu eta gu pozarren gaude izaten ari den harrerarekin. Eskerrik asko gugan konfiatzeagatik eta jaso ditugun hitz polit bakoitzagatik!
“DBH 2. maila ikasten ari den nire alabak irakurri berri du eta ikastolarako talde lan baterako oinarri moduan erabili dute Emariak”
“Oso irakurterraza da eta ingurukoei gomendatuko diet”
“Ni urtebetetzeko oparia izan da. Zorionak, lan ederra egin duzue eta beharrezkoa!”
Halako hitz ederrak eta beste hainbat jasotzea plazera da guretzat, mila esker!
Emariak Eibarren aurkeztuko dugu otsailaren 26an, asteartea. Liburua aurkeztearekin batera, ilustrazioen erakusketa ere izango dugu eta baita liburua erosteko aukera ere. Informazio zehatzagoa topatuko duzue hemen klik eginez gero.
Horretaz gain, liburua non eskuratu ez dakizuenontzat, jarraian dituzue salmenta puntuak. Azken hauen berri eguneratua topatuko duzue gure sare sozialetan, egunetik egunera eskakizun berriak iristen ari baitzaizkigu:
